Եթե դու մոռանաս ինձ
Ուզում եմ, որ իմանաս սրա մասին:
գիտես,
երբ նայում եմ
լուսնին բյուրեղյա, ճյուղերին
դանդաղ աշնանը` պատուհանից այն կողմ,
երբ հպվում եմ
խարույկի
մոխրին
և կամ կոճղի մարմնին կնճռոտ,
ամեն ինչ հիշեցնում է քեզ,
կարծես ամեն բան, ինչ գոյություն ուներ,
հոտերը, լույսերը, մետաղները,
փոքրիկ նավակներ էին`
լողացող
իմ կղզուց քո կղզի, ուր դու
սպասում էիր ինձ:
և հիմա,
երբ դու քիչ-քիչ դադարում ես
ինձ սիրել,
ես էլ կդադարեմ
քեզ սիրել քիչ-քիչ:
և եթե հանկարծ
մոռանաս դու
ինձ,
չփնտրես,
որովհետև ես էլ քեզ արդեն մոռացած կլինեմ:
և եթե կարծում ես` սա
երկար ու խելագար մի բան է,
պաստառներ թռցնող
քամու պես,
որ կյանքիս միջով անցավ,
և դու էլ մտածեցիր
լքել ինձ ծովափին
իմ սրտի, ուր արմատներ էի ձգել,
հիշիր,
որ այդ օրը
այդ ժամին
ես զենքերս կդնեմ ցած,
ու արմատներս կգնան
ուրիշ հող փնտրելու:
բայց
եթե ինչ-որ մի օր
ինչ-որ մի ժամի
զգաս, որ ինձ համար էիր ստեղծված
դաժան քաղցրությամբ,
և ինչ-որ մի օր մի ծաղիկ
ցատկի շուրթերիդ մոտ` փնտրելու հենց
ինձ,
օ, իմ սեր, իմ միակ,
կրակը նորից կբոցկլտա իմ մեջ,
իմ ներսում չի մարել ոչինչ, ոչինչ
չի մոռացվել իմ ներսում,
իմ սերը քո սիրով է սնվում, սիրելիս,
ու կլինի քո ձեռքերում,
թե չլքես ձեռքերը իմ:
թե չլքես ձեռքերը իմ:
թարգմ. անգլերենից հասմիկ սիմոնյանը
2011
2011
No comments:
Post a Comment