հուլիսի 6-ը՝ համբույրի միջազգային օր

Երջանիկ երգերի սկիզբը
(հին եգիպտական պոեզիա)

1.
Դանդուռի ծաղիկներից պսակ եմ հյուսում,
ինչպես ծաղիկն է ծաղկի հետ հավասար,
այդպես էլ սիրտս է համաձայն քեզ հետ,
և նրան ազատ թողած պառկած եմ քո գրկում:

Իմ սերը դեղ է աչքերիս համար,
նրանք շողշողում են - երբ քեզ եմ նայում,
ես սեր փնտրելով ձգվում եմ դեպի քեզ,
օ՜, իմ ամուսին, իմ սրտում ամուր տպված:

Գեղեցիկ է այս ժամը,
թող նա ձգվի մինչև հավերժություն,
այն պահից, երբ քնեցի քեզ հետ,
այն պահին, երբ դու սիրտս վեհացրիր:

Հրճվի նա, թե տխրի,
դու ինձնից մի հեռացիր:

 2.
Իմ պսակի մեջ պատատուկն է,
ես պսակ եմ հյուսում՝ զարդարելու ճակատդ
երիտասարդ:

Ես քեզ եմ պատկանում,
ինչպես այգի,
ուր աճեցրել եմ թարմ ծաղիկներ
և քաղցր բուրող խոտեր:

Դու սառը ջրհոր փորեցիր,
և մեղմ շարժումը հյուսիսային քամու
թարմություն է բերում,
երբ մենք երկուսով շրջում ենք ջրի մոտ:

Իմ ձեռքը պառկած է քո ձեռքի մեջ,
երանությունն է ողողում մարմինս,
սիրտս հրճվում է:
Մենք այսպես քայլում ենք կողք կողքի:

Քաղցր գինի է ինձ համար քո ձայնը,
ես ամբողջովին ապրում եմ դրանով:
Ուտելիքներից, խմիչքից ավելի
ինձ քո հայացքն է պետք:



3.

Երբ իմ համբույրից
դանդաղ բացվում են
նրա շուրթերը,
հարբում եմ առանց գինու:



ԱՐԳԵԼՔ
(Սլավիկ Չիլոյան)


Մենք համբուրվում էինք
ու այնքան պինդ,
որ օրենքը նկատեց,
մարդիկ հավաքվեցինք,
որոնց
չորս պատից դուրս
համբուրվել չէր տրված.
ու մեր համբույրը
դատարան տարան:



լուսանկարներում՝ Ֆրիդա Կալո և Դիեգո Ռիվերա

No comments:

Post a Comment